نسيتني علّمني شْلون أبـ انساك

نسيتني علّمني شْلون أبـ انساك

في هالزمن نسيان الاحباب عادي

.

وشلون لامرّت على البال ذكراك

وطيفك سرق مني لذيذ الرقادي

.

وشْلون لاقالوا لي الناس وش جاك

من كنت في لّذة منامك تنادي

.

وشْلون اعيش اللي بقالي بليّاك

لا من غدينا كل واحد بوادي

.

لو قلت اداوي جرحي اللي تباطاك

ماكلّ جرح يْفيد فيه الضمادي

.

اعلنت حبك لين كل تمناك

غلطة وغيري من خطاي استفادي

.

لو لي مثل قلبك تمنيت فرقاك

واكيد قبلك بالجفا صرت بادي

.

حلوه عذاريبك وحلوه مزياك

حتى بيوم (فراقنا) كنت هادي

.

كنّ الليالي ودها تكسب رْضاك

وأنا يطول مْع الليالي جهادي

.

في ذمتي .. ماهي غريبة خطاياك

مبطي وقلبك لو تنبّهت غادي

.

سهلة على من كان مثلك وشرواك

( مثل الثياب يغيرّون المبادي )

.

علمني اكره ذكرياتك وطرياك

وانسى من الليله صدوق الودادي

.

ولاني بقايل عقبها وين اب القاك

راضي لو ان جروح قلبي جدادي

.

ولاّ القصايد جعلها من فداياك

لبّستها مبطي ثياب الحدادي

.

باكر على المخطي يدورنّ الافلاك

ونشوف من يصعب عليه البعادي

,

وكأنك إخترتي أهزوجة عع مخيلتي }
ابدعتِ فَ تألقتي فَ تستحقي الشكر ~

#

فعلاً , اغنية اعرفها أو شيء هيك }
سلمت اناملك على الطرح لا عدمناك يامبدعة ~

يعطيك العافيه على روعة الطرح
سلمت الأنامل
تحياتي وتقديري
ذات حسن